1.- ZEIN IZAN ZEN IRAKURRI ZENUEN LEHENDABIZIKO NOBELA BELTZA?

"Goizuetako Ezkongaiak" Gotzon Garaterena.

 

2.- ETA EUSKARAZ IRAKURRI DUZUN AZKENA?

"Cammembert helburu" Jon Alonsorena.

 

3.- ERRAN NOBELA BELTZETAKO GUSTUKO PERTSONAI BAT

Amaia Ezpeldoi, prefosta !

 

4.- GAIZKILEA, DETEKTIBEA, HILTZAILEA, POLIZIA, EBASLEA, IKERTZAILEA... ZEINEKIN IDENTIFIKATUKO ZINATEKE? ZERGATIK?

Denok gara biktima xamarrak, eta behar bada horretaz identifikatu nahi izaten

dugu heroi eta salbatzaileekin. Bainan izan, kaltetuak gara.

 

5.- GAURKOASUNA DUEN ZEIN GERTAKARI KOKATUKO ZENUKE NOBELA BELZ BATEN TRAMAN?

Zein interes konfesaezinak gordetzen dira Aroztegiko proiektuaren gibelean ?

Nork emanen ditu agerian agintarien sal-erospen sarea ?

...Eta zer mendeku jasanen du ?

 

6.- ZEIN EGINEN ZENUKE NOBELA BELTZ BATEKO USTELA?

Boteretik urrun dagoen gizagaixo bat; susmo txipienik ere eraginen ez lukeena;

zuhaur, adibidez.

 

7.- ZEREZ EGINA DAGO MALTAKO BELATZA?

Berunez ?

 

8.- ANTIOJO BELTZAK...ZERTARAKO APROPOSAK?

Olivia Baldarenek ezin hobekin laburbiltzen dute tiraniaren kleptokrazia lotsagabea.

 

9.- ZEIN EDARI AUKERATUKO ZENUKE NOBELA BELTZA IRAKURTZEKO?

Tea jengibreaz.

 

10.- NORI EGINEN ZENIOKE GALDETEGI HAU?

Jose Amedori.

​

​

​

​

​

​

​

​

1.- ZEIN IZAN ZEN IRAKURRI ZENUEN LEHENDABIZIKO NOBELA BELTZA?

Jose Antonio Loidiren "Amabost egun Urgainen" seguraski. Ikastolan irakurrarazi ziguten. Euskaraz horrelako istorio ilun eta misteriotsuak  idatz zitezkeela deskubritzeak poza eman zidan.

 

2.- ETA EUSKARAZ IRAKURRI DUZUN AZKENA?

Canoren Twist nobela beltza da? Uste dut berak dioela ezetz baina tira, kontua da nobela brutala dela. 

 

3.- ERRAN NOBELA BELTZETAKO GUSTUKO PERTSONAI BAT

Lisbeth Salander, Millenniumekoa (Stieg Larson). Fans bat naiz.

 

4.- GAIZKILEA, DETEKTIBEA, HILTZAILEA, POLIZIA, EBASLEA, IKERTZAILEA... ZEINEKIN IDENTIFIKATUKO ZINATEKE? ZERGATIK?

Topikoa da esatea baina denekin. Goizetan, bi kafe hartu arte, gaizkile hiltzailearekin eta gau partean ikertzaile edo detektibearekin (ezagutzen nautenek badakite zergatik diodan hau, je,je). Antzezteko onenak, berriz, estereotipoak hausten dituztenak: detektibe kabroia, hiltzaile sentimentala, polizia ustela… edo horiek dagoeneko estereotipo bilakatu al dira baita ere? Dios, ez dago eskemetatik ihes egiterik!

 

5.- GAURKOASUNA DUEN ZEIN GERTAKARI KOKATUKO ZENUKE NOBELA BELZ BATEN TRAMAN?

Puf, betetak daude egunkariak! Oraintxeko gaia hautatzeagatik, Julian Assangen eta Wikileaks-en kasua edo Europar Batasuna errefuxiatuen krisiarekin babesten ari den makinaria-hiltzailea ardatz duen zerbait. Eta gertuagoko tramaren bat hautatzekotan, AHTa eta PNVren arteko harremana. Ustel usaina oso zabalduta dago!

 

6.- ZEIN EGINEN ZENUKE NOBELA BELTZ BATEKO USTELA?

Kalkutako Maria Teresa

 

7.- ZEREZ EGINA DAGO MALTAKO BELATZA?

Ez dakit. Wikipediak ez du horri buruz ezer jartzen.

 

8.- ANTIOJO BELTZAK...ZERTARAKO APROPOSAK?

Bestondoa dismulatzeko.

 

9.- ZEIN EDARI AUKERATUKO ZENUKE NOBELA BELTZA IRAKURTZEKO?

Ona baldin bada ezin izaten dut liburua amaitu arte askatu. Gaupasa egiteko gai naiz eta beraz... kafe hutsa zainetatik!

 

10.- NORI EGINEN ZENIOKE GALDETEGI HAU?

Etxea azpiko fruta saltzaileari.

​

​

​

​

​

​

​

​

​

1.- ZEIN IZAN ZEN IRAKURRI ZENUEN LEHENDABIZIKO NOBELA BELTZA?

Gotzon Garateren “Izurri berria” lehendabizikoa izan zela iruditzen zait.

​

2.- ETA EUSKARAZ IRAKURRI DUZUN AZKENA?

Ernesto Praten “Telleria eta gero,zer? “ liburua izan da. Ikasleei leitzeko eskatu nien eta irakasleak ere, liburuaz gozatzeko aukera izan du.

 

3.- ERRAN NOBELA BELTZETAKO GUSTUKO PERTSONAI BAT

Alberto Ladronek “ Piztiaren begiak” liburuan, Dasilva, polizia ohia, arras ongi gorpuzten eta definitzen du. Gizon iluna, makurra, nardagarria eta ahalkegarria; ustela!

 

4.- GAIZKILEA, DETEKTIBEA, HILTZAILEA, POLIZIA, EBASLEA, IKERTZAILEA... ZEINEKIN IDENTIFIKATUKO ZINATEKE? ZERGATIK?

Izukorra naiz eta ez dut rol arriskutsu hauetako batean nire burua ikusten. Kontuak atera, irakurle bezala, anitzetan taupadak bizkortzen zaizkit.

 

5.- GAURKOASUNA DUEN ZEIN GERTAKARI KOKATUKO ZENUKE NOBELA BELZ BATEN TRAMAN?

Gaurko gaia ez da, baina aditu berria dut, Lekarozko kaputxinoek beren egoitza salgai paratu zutelarik, Mondragon Unibertsitatea prest zegoela erosteko eta unibertsitateko zenbait espezialitate bertan eskaintzeko. Yolanda Barcina ohartu zelarik, egoitza erosi egin zuen, nahiz eta inongo proiekturik ez izan. Zergatik ? Euskaldunon usainak zer eragiten dio ? Obsesioa da ? Eskizofrenia? Gaia ederra izan daiteke!

 

6.- ZEIN EGINEN ZENUKE NOBELA BELTZ BATEKO USTELA?

Nafarroan bada non aukeratu ! Zerrenda luzea da, luzeegia !

 

7.- ZEREZ EGINA DAGO MALTAKO BELATZA?

Ez dakit!. Dashiell Hammett-i galdegin izan banio… Edo bere liburua leitu izan banu…

 

8.- ANTIOJO BELTZAK...ZERTARAKO APROPOSAK?

Negarrez egon diren begi gorrituak ezkutatzeko. Bestondo eguneko eguzkiaz babesteko edo pertsona interesgarriak, ederrak, morbosoak, debekatuak… zeharka begiratzeko.

 

9.- ZEIN EDARI AUKERATUKO ZENUKE NOBELA BELTZA IRAKURTZEKO?

Te kukitxa olo esnearekin.

 

10.- NORI EGINEN ZENIOKE GALDETEGI HAU?

Castillo Suarezi.

​

​

​​​​​​​​​​​​​​​​​​​​​​​​

​